Dıplomatııalyq qatynastar – jańa eldermen

Sıngapýrde Birlesken kommıýnıkege qol qoıý arqyly Qazaqstan Respýblıkasy men Vanýatý Respýblıkasy arasynda dıplomatııalyq qatynastar ornady. Atalǵan qujatqa qazaqstandyq taraptan Sıngapýrdegi elshi E.Baýdarbek-Qojataev, al Vanýatý tarapynan Premer-mınıstrdiń orynbasary – Syrtqy ister mınıstri Edvard Nıpake Natapeı qol qoıdy. Kezdesý barysynda taraptar túrli saladaǵy eki el yntymaqtastyǵynyń bolashaǵyn talqylady. Sondaı-aq, Nıý-Iorkte Qazaqstan Respýblıkasy men Kırıbatı Respýblıkasynyń BUU janyndaǵy Turaqty ókilderi Qaırat Ábdirahmanov jáne Ma­kýrıta Baaro eki el arasynda dıplomatııalyq qa­tynastar ornatý týraly birlesken kommıýnıkege qol qoıdy. Qol qoıý rásimi kezinde ekijaqty deńgeıdegi yntymaqtastyqtyń bolashaǵy jáne Qazaqstan men Kırıbatı úshin qyzyǵýshylyq týdyratyn BUU kún tártibindegi mańyzdy máseleler týraly pikir almasý ótti. Solardyń ishinde teńizge shyǵa almaıtyn elderdiń máselelerin sheshý, kishkene araldy elder, turaqty damýdyń maqsattaryn jasaý, qorshaǵan ortany qorǵaý jáne t.b. bar. Kırıbatı elshisi Qazaqstanmen berik turaqty áriptestik ornaıtynyna senimin bildirdi. «Egemen-aqparat».