Tórt tilde jazylǵan kitap

– Jıynǵa qatysqan ǵalymdar, etnograftar men mýzykanttardan quralǵan Qazaqstannyń delegasııasy, jergilikti memle­ket­tik organdar men qazaq dıas­porasynyń ókilderi kúıshiniń dombyra mýzykasynyń damýy men shyǵarmalardy orkestrge beıimdeýge, klassıkalyq kúı mektebiniń qalyptasýyna qosqan erekshe úlesin atap ótti. Is-sha­raǵa qatysýshylarǵa  kúıshi Dına Nurpeıisova týraly qazaq, orys, túrik jáne aǵylshyn tilin­de jaryq kórgen «Túrki ále­miniń uly kompozıtory» atty kitap tanystyryldy. Kitapta kúı­shiniń ómirine qatysty bu­ryn jarııalanbaǵan derekter qam­tylǵan. Sondaı-aq Qazaqstannyń eńbek sińirgen ártisi Aıgúl Úl­kenbaeva Astrahan mádenıet jáne óner kolledjinde dombyradan sheberlik sabaǵyn ótkizdi, – dep aqparat taratty Qazaqstannyń Re­seı Federasııasyndaǵy el­shiligi.

Keıingi urpaqqa Qurmanǵazy Saǵyrbaıulynyń qaıtalanbas murasyn jetkizip, óziniń birneshe shyǵarmasyn qaldyrǵan Dına Nurpeıisova kezinde Astrahan oblysynda 15 jyl turǵan. Ol 1934 jyly osyndaǵy Marfıno aýylynda ótken kórkemónerpazdar baıqaýynda birinshi oryndy ıelenip, kúı ónerine túbeıgeıli bet burǵan.

Atyraý oblysy