Orkestrdiń kórkemdik jetekshisi – halyqaralyq baıqaýlardyń laýreaty Berik Batyrhan. Bas dırıjer – halyqaralyq baıqaýlardyń laýreaty Ernar Nurtazın.
Polsha Respýblıkasynyń Qazaqstandaǵy Tótenshe jáne ókiletti elshisi Selım Hazbıevıch pen qorǵanys attashesi podpolkovnık Aleksandr Sýhenek konsertke arnaıy kelip, uıymdastyrýshylar men ártisterge alǵysyn bildirdi.
Án keshinde kórermenge tanys áıgili fılmderdegi polıak kompozıtorlarynyń shyǵarma-
lary oryndaldy. Olardyń qatarynda álemge tanymal «Hatıko», «Vedmak», «Pıanıst» sekildi úzdik týyndylar bar.
Sondaı-aq fılarmonııanyń «Qorqyt» etno ansambli ózgeshe stılde óner kórsetti. Kórkemdik jetekshisi, Mádenıet qaıratkeri – Sholpan Qorǵanbek. Polshanyń mýzyka keshine Pavlodar oblystyq «Polonııa» polıaktar qoǵamynyń «Nartsyz» jastar vokaldy-horeografııalyq ansambli, «Syreny» áıelder vokaldyq ansambli, Respýblıkalyq polıak ánderi festıvaliniń birneshe dúrkin jeńimpazy, sonymen qatar Qazaqstanda ǵana emes, shetelderde ótken festıvaldar men baıqaýlardyń laýreattary men júldegerleri qatysty.
