«Koronavırýstyq ınfeksııanyń «Omıkron» shtamynyń jańa nusqasynyń paıda bolýyn eskere otyryp, ony respýblıka aýmaǵyna ákelýge jol bermeý maqsatynda vedomstvoaralyq komıssııada 3 jeltoqsannan bastap mynadaı shekteý is-sharalaryn engizý týraly sheshim qabyldandy. Birinshi - Botsvana, Lesoto, Namıbııa, Zımbabve, Mozambık, Madagaskar, Esvatını, Malavı, Ontústik Afrıka, Tanzanııa jáne Gonkongtan shetel azamattarynyń Qazaqstanǵa kelýin shekteý», dedi birinshi vıse-mınıstr.
Onyń atap ótýinshe, ekinshiden, «Omıkron» nusqasynan týyndaǵan KVI jaǵdaılary anyqtalǵan Izraıl, Chehııa, Nıderlandy, Belgııa, Ulybrıtanııa, Italııa, Germanııa, Avstralııa, Kanada jáne Egıpetten keletin adamdar úshin vaksınasııasy bar-joǵyna qaramastan mindetti PTR testileý engiziledi.
«Úshinshiden, «Omıkronnan» týyndaǵan KVI jaǵdaılary anyqtalǵan elderden kelgen adamdar PTR nátıjesine qaramastan 7 kúnge úı karantınine oqshaýlanýy tıis. Osyǵan oraı, sanıtarlyq-epıdemıologııalyq komıtet departamentteri, shetelden kelgen azamattar týraly aqparatty jergilikti atqarýshy organdarǵa ýaqtyly berýdi, al ákimdikter bul tulǵalardy polıklınıkalar deńgeıinde qashyqtyqtan baqylaýdy qamtamasyz etýi qajet», dedi Marat Shoranov.
