Jedel-aldyn alý is-sharalary aıasynda Arys APB JPQ tabıǵatty qorǵaý polısııasynyń qyzmetkerleri Kóksaraı sý qoımasynda brakonerliktiń kezekti faktisin anyqtady.
Is-shara barysynda polısııa qyzmetkerleri «GAZ» jáne «Opel» avtokólikterin toqtatyp, júrgizýshilerde aýlanǵan balyqqa arnalǵan tıisti qujattary joq ekeni anyqtaldy.
Belgili bolǵandaı, Báıdibek aýdanynyń eki turǵyny zańsyz balyq aýlaǵan. Zattaı dálel retinde tártip saqshylary brakonerlerden 240 keliden astam túrli tuqymdy balyqty, eki rezeńke qaıyqty jáne balyq aýlaý quraldaryn tárkiledi.
«Atalǵan derek QR QK 335-baby «Balyq resýrstaryn, basqa da sý janýarlaryn nemese ósimdikterin zańsyz óndirý» boıynsha Arys APB-niń SDTBT-ne tirkeldi. Kúdiktilerdiń avtokólikteri aıyp turaǵyna qamaldy. Sotqa deıingi tergeý júrgizilip, oqıǵanyń mán-jaıy anyqtalýda», delingen habarlamada.
