Ana men bala densaýlyǵyn qorǵaý departamenti málimetinshe, 2021 jylǵy 10 aı ishinde COVID-19 ınfeksııasynan Qazaqstanda 11 bala qaıtys bolǵan.
«Jedel derekter boıynsha 2021 jyldyń 10 aıynda COVID-19 ınfeksııasynan 1 aılyq eki bala (Pavlodar oblysy, Almaty qalasy), 6 mektep jasyna deıingi bala (Mańǵystaý, Qyzylorda, Soltústik Qazaqstan, Almaty oblystary), 3 mektep oqýshysy (Qaraǵandy, Qyzylorda oblystyry jáne Nur-Sultan) qaıtys boldy», deıdi departament ókilderi.
Vedomstvo málimetinshe, balalar arasynda COVID-19 juqtyrýdyń aldyn alý sharalary eresekterdegideı: sanıtarlyq normalardy saqtaý, medısınalyq betperde taǵý, adam kóp jınalatyn oryndardan aýlaq bolý, vaksına alý.
«Balalarda COVID-19 juqtyrǵanda klınıkalyq belgiler: dene qyzýynyń joǵarylaýy, joǵarǵy tynys joldarynyń zaqymdanýy túrindegi ıntoksıkasııa sındromy damıdy, asqazan-ishek joldary zaqymdanýy múmkin, tynys alý jetkiliksizdigi belgileri bar pnevmonııa jaǵdaılary», dedi.
