Qala basshysy depýtattyq korpýs ókilderin kele jatqan memlekettik merekelermen quttyqtap, búgingi tabystarymyzdyń bastaýynda Táýelsizdik qundylyqtary, Tuńǵysh Prezıdent júrgizgen parasatty saıasat jatqandyǵyn atap ótti.
Bıylǵy jyldyń 10 aıynda atqarylǵan jumystardy baıandaǵan qala basshysy, barlyq salalarda oń damý dınamıkasy saqtalǵanyn jetkizdi.
«О́nerkásip ónim kóleminiń ındeksi - 6,7%-ǵa, aýyl sharýashylyǵy - 1,2%-ǵa, ınvestısııa kólemi - 41,2%-ǵa, qurylys jumystary - 11,8%-ǵa, paıdalanýǵa berilgen turǵyn úıler alańy - 23,7%-ǵa, bólshek saýda kólemi - 9,6%-ǵa artty. Bul statıstıkalyq derekterdiń artynda qalanyń tynys-tirshiligine arnalǵan úlken jumys, turǵyndardyń ómir sapasyn arttyrýǵa baǵyttalǵan aýqymdy ister bar.Árbir bastamamyzdyń ıgiligin halyq sezinýi qajet. Osy maqsatta qalanyń bes jyldyq damý jospary qabyldandy, ol júıeli túrde iske asyrylýda», dedi ákim.
Qalanyń ındýstrııalyq aımaqtary ónerkásip salasynyń damýyna serpin berdi. Qazirgi tańda, tórt óndiristik aımaqta 8 myńnan astam jumys ornymen 118 kásiporyn ashylǵan. Esepti kezeńde 500-den astam jumys orny men jańa 10 kásiporyn iske qosyldy. Odan bólek, qosymsha 2 ındýstrıaldy aımaq ashý jumystary bastaldy. Nátıjesinde aldaǵy 5 jylda ónerkásip ónim kólemin 700 mlrd. teńgeden 960 mlrd. teńgege jetkizý josparlanǵan.
Aýyl sharýashylyǵynda 29 myń gektar jerge egistik egilip, 85 myń tonna ónim jınaldy. Sharýalardy qoldaýda 133 kásipkerge 2,6 mlrd. teńgege sýbsıdııa bólindi. Sonymen birge 7,6 mlrd. teńgege 17 joba iske asyp, 200-den astam jumys orny ashyldy.
Al qalaǵa tartylǵan ınvestısııa kólemi ótken jyldyń sáıkes kezeńimen salystyrǵanda 41,2 paıyzǵa artyp, 325 mlrd. teńgeden asty.
Megapolıs mártebesin alǵan ýaqyttan qala bıýdjetiniń kólemi 4 esege artty. Bıylǵy jyldyń basynda bekitilgen bıýdjet 388 mlrd. teńge bolsa, qazir 491 mlrd. teńgege jetti nemese bir jyldyń ishinde qala bıýdjeti 103 mlrd.teńgege ulǵaıdy. Bıýdjettiń 45 paıyzy áleýmettik salaǵa baǵyttalsa, 25 paıyzy – damý jobalaryn quraıdy.
Bul kórsetkishterden bólek qalada bilim, densaýlyq saqtaý, sport, mádenıet, jumyspen qamtý sekildi basqa salalarda da jetistikter bar.
«Elbasy Nursultan Ábishuly Nazarbaev usynǵan «Eldiktiń jeti tuǵyrynda» memleket Táýelsizdigi, ult bolashaǵy baıandalyp, aldaǵy jumysymyzdyń baǵdary bolyp bekidi. Sizder halyqtyń amanatyn arqalaǵan ókilsizder. Turǵyndardyń talap-tilegin bılikke jetkizip, olardyń tıimdi sheshimin tabýyna úles qosyp kelesizder. Birlese jumys júrgizýimizdiń nátıjesinde Shymkent turǵyndar úshin ómir sapasy laıyqty, jaıly qalaǵa aınalyp keledi», dep M.Áıtenov óz sózin qorytyndylady.
О́z kezeginde halyq qalaýlylary atqarylǵan jumystarǵa oń baǵasyn berip, alda turǵan maqsat-mindetterdi birlese júzege asyrýǵa daıyn ekendikterin jetkizdi.
