Uıymdastyrýshylar respýblıkalyq deńgeıde ótkizilgen bul joba memlekettik tilimizdiń mártebesin kóterýde úlken mańyzǵa ıe ekendigin aıtady. Iriktelip alynǵan 10 júldegerdi Shymkent qalasy ákiminiń birinshi orynbasary Shyńǵys Muqan marapattap, arnaıy dıplomdar men syı-sııapat tabystady.
«Qazaq tilinde qansha kitaptar jaryq kórip jatyr, qanshalyqty úlken dúnıeler paıda bolyp jatyr. Sony eskere otyryp, qazaq emes, ózge ult ókilderiniń qazaq tilin meńgerýi buryn tańsyq edi, qazir qalypty jaǵdaı. Osynyń ózinen-aq, 30 jylda osy til máselesiniń oń baǵytta ózgeris tapqanyn bilemiz», dedi Shymkent qalasy ákiminiń birinshi orynbasary Shyńǵys Muqan.
