Boxrec.com saıtynyń málimetinshe, Eleýsinovtiń jańa opponenti argentınalyq Hýan Ernan Leal (15-1, 4 KO) bolmaq. Jekpe-jek on eki raýndqa eseptelingen, olar IBO nusqasy boıynsha jartylaı orta salmaqta álem chempıony vakantty tıtýly úshin aıqaspaq.
Eske sala keteıik, áýelide Danııar Eleýsinov meksıkalyq boksshy Dante Hardonmen (34-7, 25 KO) judyryqtasýy tıis bolǵan. Alaıda ol sparrıng kezinde qolyn sydyryp aldy. Eleýsinov — Leal jekpe-jegi 18 jeltoqsan kúni Nur-Sultan qalasynda ótpek.
Danııar sońǵy ret sharshy alańǵa bir jyl buryn 2020 jylǵy qarashada shyqqan bolatyn. Onda ol Djýlıýs Indongony (23-4, 12 KO) ekinshi raýndta nokaýtpen jeńdi.
