Altaı aýdanynynda alǵyr da bilimdi, daryndy da talantty jastar kóp. Búgingi forýmda aýdannyń memlekettik jastar saıasatyn júzege asyrýǵa laıyqty úles qosqan úmitkerlerdiń esimderi ataldy. Árqaısysyn aýdan ákimi Janna Asqarqyzy quttyqtap, jyly lebizin bildirdi.
«Jyldyń jastar kóshbasshysy» nomınasııasymen oqý úzdigi, Máskeýdegi Kremldegi halyqaralyq qaıyrymdylyq kadet balynyń qatysýshysy Darıa Tokareva marapattaldy.
«Jyldyń jas kenshisi» nomınasııasy mashınıst, volonter, jastar keńesiniń múshesi Qanat Qashqymbaevqa buıyrdy. Al «jyldyń jas medısına qyzmetkeri» nomınasııasy Roman Tleýlenovke, «jyldyń jas pedagogy» Ádiljan Qadylbekovke berildi. Jyl kóleminde quqyq qorǵaý qyzmetkerleri de nazardan tys qalǵan joq. «Jyldyń jas polıseıi» nomınasııasyna Altaı aýdany polısııa bóliminiń kınologııalyq qyzmet tobynyń kishi ınspektory, kishi polısııa serjanty Sergeı Kýsev laıyqty dep tabyldy.
Sonymen qatar, «Jas kásipker», «Jas shyǵarmashylyq qyzmetker», «Jyldyń jas eriktisi», «Jyldyń jas qutqarýshysy» «Jyldyń jas sportshysy», «Jyldyń Stýdenttik kóshbasshysy» syndy nomınasııa ıeleri de marapattaldy.
Aýdanda abyroıly marapatqa ıe bolyp jatqan jas úzdikter aýdan basshylyǵyna rızashylyqtaryn bildirip, Tuńǵysh Prezıdent kúnimen quttyqtady.
