Ilııas О́serovtyń aıtýynsha, Almatyda kúnkóris mınımýmy ótken jyldyń jeltoqsanymen salystyrǵanda 23,2%-ǵa ósken. Búginde ol 44 105 teńgeni quraıdy.
Statıstıkalyq málimetterge sáıkes, Almatyda tabysy eń tómengi kúnkóris deńgeıinen tómen 87 myńnan astam adam turady, bul qala halqynyń jalpy sanynyń 4,4%-yn quraıdy. Azamattardyń osy sanatyna AÁK tóleý úshin 2,6 mlrd teńge bólinip, jumysqa ornalasýǵa kómek, bıznes-jobalardy iske asyrý úshin granttar berý túrinde jan-jaqty qoldaý kórsetilip otyrady.
«Eń tómengi kúnkóris deńgeıiniń esebine azyq-túlik, azyq-túlik emes taýarlar men qyzmetterge jumsalatyn shyǵyndar da kiredi», dedi Almaty qalasy ákiminiń orynbasary.
Sonymen qatar Memleket basshysynyń sońǵy joldaýy barysynda eń tómengi jalaqy mólsheri 2022 jyldyń 1 qańtarynan bastap 42 500-den 60 000 teńgege deıin arttyrylǵany aıtyldy.
