Otandasymyz 21 qarashada Fransııanyń eks-álem chempıony Hassan N’Dam N’Jıkamdy tehnıkalyq nokaýtpen jeńgennen keıin onyń menedjeri Egıs Klımas WBO uıymyna hat jazyp, Álimhanulyn osy tujyrymnyń qazirgi chempıony Demetrıýs Andradeniń mindetti qarsylasy etip taǵaıyndaýdy suraǵan edi.
Arada 10 kún ótkende WBO uıymy Klımastyń ótinishin qanaǵattandyryp, eki boksshynyń promoýterlerine jekpe-jekti uıymdastyrýǵa resmı hat joldady. WBO-nyń resmı saıtynda jarııalanǵan málimette: «Orta salmaqtaǵy WBO chempıony amerıkalyq Demetrıýs Andrade men qazaqstandyq boksshynyń komandasyna jekpe-jekti uıymdastyrýǵa 20 kún ýaqyt beremiz. Eger promoýterler ortaq sheshimge kele almasa, kezdesýdi ótkizý quqyǵy promoýterlik bássaýdaǵa shyǵarylady», delingen.
