«Qazaqstan jastary» qoǵamdyq qorynyń uıymdastyrýymen «Adem» saýda ortalyǵynda jastarǵa áleýmettik-psıhologııalyq, eńbek sharty, medısına, quqyqtyq jáne pedagogıkalyq oflaın-onlaın túrde keńester berildi. Qazirgi kezde 200-deı jas arnaıy daıyndalǵan ortalyqta tájirıbeden ótip, kásibı mamandar keńesin alsa, 500-den astam jekelegen áńgimeler ótkizildi.
Joba aıasynda front-ofıste kásibı mamandar árbir jas adamdy tolǵandyrǵan suraqtarǵa jaýap berip, arnaıy saýalnama júrgizip, qandaı da bir máseleniń sheshimin tabýǵa yqpal etti. Osy oraıda NEET sanatyndaǵy jastardyń sany 3000 adamdy qurap otyr. Bul máselege keńinen nazar aýdarý maqsatynda eriktiler men resýrsty ortalyqtardyń mamandary tartyldy. Sonymen birge ortalyqtyń jumysy týraly áleýmettik jelilerde aqparat tarady.
Joba aıasynda Almatyǵa kelip, ketip jumys isteıtin jastar úshin arnaıy baıqaý uıymdastyryldy. Úsh kezeńnen turatyn baıqaýdyń qorytyndysy boıynsha «Úzdik shashtaraz», «Úzdik kólik mehanıgi», «Úzdik aspaz», «Úzdik elektrık», «Úzdik dóńgelek jasaýshy» sııaqty kásibı tehnıkalyq mamandyqtardyń jeńimpazdary anyqtaldy.
Bul baıqaýdyń qazylar alqasyna jumys berýshiler, kásipodaq uıymdarynyń ókilderi shaqyryldy.
Joba aıasynda jeńimpazdar teorııalyq ári tájirıbe jaǵynan biliktiligin arttyryp qana qoımaı, aqshalaı syılyqtarǵa ıe boldy.
Taǵy bir qyzyqty sát – árbir qatysýshynyń portfolıosy jasalyp, jastar úshin mundaı baıqaýdyń qajet ekenin kórsetti.
