«Bul jaǵdaıdyń dál meniń otbasymda bolǵany men úshin aýyr tıdi. Barlyǵy ádiletti túrde sheshilgenin qalaımyn. 20 pyshaq jaraqaty bul qol silteıtin nárse emes» dep jazdy ol.
Oqıǵa Qostanaı qalasyndaǵy «Sarykól» dámhanasynda bolǵan.
«Ákem 20 pyshaq jaraqatyn aldy, mańyzdy aǵzalary (baýyr, asqazan jáne ókpe) zaqymdandy. Qylmysker bolǵan jaǵdaıdan keıin jedel járdem shaqyryp, oqıǵa ornynan qashyp ketken. Ákeme kúrdeli operasııa jasaldy, ary qaraı ol reanımasııada jatty, qazir jalpy palataǵa aýystyryldy», dep jazdy jábirlenýshiniń qyzy.
Belgili bolǵandaı, qandy oqıǵadan keıin zardap shegýshi 30 qarasha kúni polısııaǵa aryz jazǵan. Al 1 jeltoqsan kúni 28 jastaǵy kúdikti qolǵa túsken.
Osy oqıǵaǵa qatysty Qostanaı qalasy polısııa departamentiniń baspasóz qyzmeti túsinikteme berdi.
«Atalǵan fakti boıynsha sotqa deıingi tergeý amaldary júrgizilýde. Kúdikti ustalyp, Qostanaı qalasynyń PB ýaqytsha ustaý ızolıatorynda otyr. Tanystar arasyndaǵy janjal ishimdik ishý kezinde bolǵany anyqtaldy. О́zge aqparat QR QIJK 201-babyna sáıkes jarııa etýge jatpaıdy», dep habarlady baspasóz qyzmeti.
