9 aı buryn ınfeksııaǵa qarsy vaksına alǵan azamattar qazir medısınalyq uıymdarda qaıta ekpe saldyrýda.
Búgin Shymkent qalasynyń densaýlyq saqtaý basqarmasynyń basshysy Baqytjan Pozılov koronavırýs ınfeksııasyna qarsy ekpeniń úshinshi quramdas bóligin saldyrdy. Basqarma basshysy tirkelgen emhanasyna baryp, otandyq QazVac ekpesin aldy. B.Pozılov revaksınalaý sátin «Instagram» jelisindegi paraqshasynda tikeleı efırde kórsetip, turǵyndar saýalyna jaýap berdi.
Medısına mamandarynyń aıtýynsha, buǵan deıin eki komponentti saldyrǵan adamnyń aǵzasynda kovıdke qarsy antıdeneler qalyptasady. Ekpeden keıin qalyptasqan ımmýnıtet arada birneshe ýaqyttardan keıin tómendeı bastaıdy. Al revaksınasııa aǵzada qalyptasqan ımmýnıtetti qaıta qalpyna keltirip, ınfeksııadan qorǵaný júıesin arttyrady. Sol sebepti úshinshi kezeń boıynsha ekpe alatyndarǵa bir ǵana dozadan vaksına salynady.
Búginge deıin Shymkent qalasynda kovıdke qarsy ekpeniń úshinshi quramdas bóligi 415 adamǵa salyndy.
