«El chempıonaty negizinen jas balýandardy irikteıtin báseke bolmaq. Elimizdiń ár óńirindegi talantty balýandar ulttyq birinshilikte baryn salady. О́z kezeginde, biz ulttyq quramaǵa úmitkerlerdi tańdaımyz. Jastarǵa múmkindik beremiz.
Ulttyq qurama sportshylarynyń arasynda bıylǵy dodaǵa qatysa almaıtyndar bar. Olar - Nurıslam Sanaev, Danııar Qaısanov jáne Adlan Asqarov. Sanaev Olımpıadadan keıin demalys aldy, Qaısanov jaraqatyn emdep jatyr. Al Adlan jaqynda aýyryp qalǵanyna baılanysty chempıonattan syrt qalmaq.
Taǵy bir jańalyq - Álisher Erǵalı osy chempıonatta 125 kelige deıingi salmaq dárejesinde kúresedi. Chempıonatpen birge bıylǵy maýsymdaǵy jarystar tizbegi aıaqtalady.
Kelesi jyldyń shymyldyǵyn ashatyn resmı jarys - Azııa chempıonaty. Jalpy, kelesi maýsymdaǵy basty básekemiz Qytaıda ótetin Azııa oıyndary bolmaq», dedi bas bapker Áset Serikbaev.
