«Banktermen birlesken jumys júrgizilýde. Qazir «Otbasy Banki» basqarmasymen kelisim jasasý boıynsha másele pysyqtalýda, bul polıseılerge banktiń arnaıy turǵyn úı baǵdarlamalaryna qatysýǵa jáne tıimdi sharttarmen turǵyn úı alýǵa múmkindik beredi», dedi Nurdildá Oraz.
Buǵan deıin habarlanǵandaı, elimizde baspanaǵa muqtaj polıseılerdiń 70%-dan astamy arnaıy jeńildiktermen qamtamasyz etilgen.
«2014 jyly qyzmetkerlerdiń belgili bir sanatyna turǵyn úıdi jaldaýǵa arnalǵan ótemaqy tóleý quqyǵy berildi. Bastapqy kezeńde 6 myńnan astam polısııa qyzmetkeri osy quqyqqa ıe boldy, bul jedel-tergeý jáne krımınalıstıkalyq bólimsheler. 2019 jyly tizbe patrýldik polısııa jáne ýchaskelik ınspektorlar laýazymdarymen tolyqtyryldy. Sol kezde qyzmetkerlerdiń jalpy sany 9 myńnan astam adamdy quraǵan bolatyn», dep túsindirdi Nurdildá Oraz.
Spıker jyl basynan beri mundaı laýazymdardyń tizimin ýchaskelik kómekshiler, arnaıy mekemeler men aıdaýyl qyzmeti, kúzet jáne kınologııalyq bólimsheler, medısınalyq bólimsheler men qylmystyq-atqarý júıesindegi sottalǵandardyń eńbegin uıymdastyrý bólimsheleri, kezekshi bólimder men jedel basqarý ortalyqtarynyń qyzmetkerleri tolyqtyrǵanyn qosa aıtty.
