Dostarym kelse qarsy alý úshin,
Qosylyp birge án salý úshin,
Kógildir Týǵa,
Egemen elge,
Týǵan jerimde tamsaný úshin,
Oraldym saǵan, Aqjaıyq! – degen joldar meniń júregimnen shyqqan shynaıy qýanysh jyry edi! Edilinen aıyrylǵan ultymyz Jaıyǵynyń bir jaǵalaýyn ǵana mekendegen ólkede babalar zaryn tyńdap óstim ǵoı. Bizdiń urpaqqa Erkindik tańy buıyrdy! Ol tańnyń beıbit atqanynan ótken qandaı baqyt bolýy múmkin!
Muny esti azamattar tegis túsinýi kerek.
Elbasymyzdyń «Táýelsizdik taǵylymy» maqalasy zýlap ótken jyldardy qaıta eske túsirdi. Iá, bári ras, biz de bárine kýámiz.
Beıbit aspan astynda kók Týymyz jelbiredi, keýdeni kerip óz Ánuranymyzdy shyrqadyq. Kók tústi tólqujatpen «Men – qazaqpyn» dep saparǵa shyqtyq. Jas urpaq álem tilin meńgerip, álemdik oqý oryndaryna bilim alýǵa attandy!
О́mir joly qıyndyqsyz bolmaıdy, qazaq áıeli urpaǵynyń qamy úshin ala qap arqalap, bazar jaǵaladyq, ol kúnder de jyljyp ótti. Onyń ótemi – dıplom alǵan ul-qyzymyz, úılený, besik toılary.
Uly dala urpaǵyna endi keregi eńbekqorlyq pen tatýlyq, bilimdilik pen týǵan elge degen mahabbat.
Ár azamat elimdi kórkeıtý úshin ne istedim dep tebirenýi kerek. Ár shańyraq ıesi óz urpaǵy aldyndaǵy boryshyn naqty túsinýi tıis. Ár Ana óz balasynyń tárbıesin ýysynan shyǵaryp almaýy qajet.
Sózge sheshen halqymyz bylaı degen:
Bala jetim bolmaıdy,
Qasynda bolsa Anasy.
Halyq jetim bolmaıdy,
Basqarsa eldi danasy.
Uly dalamyzdyń tól urpaǵy Erkindik alǵan óz atamekeninde, baılyǵyna ózi qojalyq etip, endigi jerde joqtyq pen jetimdik kórmeı ósip-ónse eken.
Meniń tilegim – beıbit kún!
Aqushtap BAQTYGEREEVA,
aqyn, Qazaqstan Respýblıkasy Memlekettik syılyǵynyń laýreaty
