Qulpyrǵan Qyzbel

Qostanaı oblysyndaǵy 71 947 gektar jerdi alyp jatqan Qyzbel aýyldyq okrýginiń halyq sany – 734 adam. Onyń ishinde 140 adam turaqty jumys­pen qamtylǵan. Mundaǵy jurt ataýly áleýmettik kómek almaıdy. Sebebi – bári ózin-ózi ju­myspen qamtyp otyr. Aýyl­dyq okrýgtiń basym bóligi mal jáne egin sharýashylyǵymen aına­lysady. 23 sharýa qoja­lyǵy jumys isteıdi. Bıyl mem­­lekettik «Sybaǵa» baǵdar­lamasyna «Qaınar» jeke sharýa qojalyǵynyń basshysy Qarǵaly Rysbekov qatysyp, aýylsharýashylyq qarjylaı qoldaý qorynan 6% nesıemen Lıtva memleketinen 45 bas «gereford» asyl tuqymdy iri qara maldaryn satyp alyp, tól basyn kóbeıtýdi qolǵa aldy.

Halyq úshin aýyz sýdan másele joq. Qysqa daıyndyqtary jaman emes. Qazirdiń ózinde sharýa qojalyqtary 6 myń tonna, al aýyl turǵyndary 5 myń tonna mal azyǵyn daıyndap úlgergen. Turǵyndar 840 tonna kómir túsirip alǵan.

Bertinge deıin osy bir aýyl­dyń ajary taıyp, sáni ketip bara jatqandaı kórinip edi. 2021 jyldyń mamyr aıynda aýyl túlep sala berdi. Qyzbel aýyldyq okrýginiń ákimi Qaısar Nurǵazın aýyldyń kelbetin ashyp, shyraıyn keltirý maqsatynda júr­giziletin «Kórkeıe ber, Qyz­belim!» atty keshendi jumys josparyn qoldaýǵa úndep, jurt­shylyqpen beıresmı kezdesý ótkizdi. Ákimniń bastamasyn turǵyndar quptaǵan. Baıgereı Kakımov, Eljan Sadýaqasov, Manar Esjanov, Asqar Qoshqarov syndy el aǵalary qor ashyp, iske bilek sybana kiristi. О́zge de azamattar el múddesine judyryqtaı jumyldy.

– Bıyl aýyl azamattarynyń erikti túrde, óz usynystarymen birqatar jumys atqaryldy. Bul rette Elbasy N.Á.Nazarbaevtyń «Bolashaqqa baǵdar: rýhanı jań­ǵyrý» baǵdarlamalyq ma­qalasynyń mańyzy zor boldy. Sebebi dál osy maqaladan keıin aımaqtarda «Týǵan jer­­ge taǵzym» atty aksııalar kóp­­tep uıymdastyryla bas­­tady. Bizdiń bastamamyz da osy baǵ­darlama aıasynda qolǵa alyndy. Keýdesinde namys oty mazdaǵan, aýylyna alań kó­­ńilimen qaraıtyn azamat­tary­myz kóp eken. Son­daı qol­daý­shylarymyzdyń arqa­syn­da týǵan jerimiz qulpyryp keledi, – deıdi aýyl ákimi Qaısar Sultanbekuly.

Atap aıtqanda, bıyl kóshe­lerdi jaryqtandyrý máselesi sheshimin tapty. Qyzbeldik músinshi Muhametqalı Rahalıev salǵan Mirjaqyp Dýlatulynyń bıýsti ornatyldy. «Táýelsizdik saıabaǵy» atalatyn demalys oryny ashylyp, qajetti oryndyqtar qoıyldy jáne joldaryna tas tósenish qalandy. Aýyldyń kire berisine jáne ortalyǵyna zamanaýı dızaındaǵy vızıt-belgiler salyndy. Dala sahnasy jańartyldy. Buqaralyq sportty damytý maqsatynda jahandyq talaptarǵa saı ámbebap voleıbol-fýtbol alańy paıdalanýǵa berildi. Ortalyq alańǵa 20 metr­lik tý tuǵyr ornatyldy. Budan bólek memlekettik qarjyǵa Mirjaqyp Dýlatuly atyndaǵy mektepte ornalasqan Alash ary­synyń mýzeıi men sport zal kúrdeli jóndeýden ótti. Uzaq jyldar boıy jańǵyrtýdy qajet etip kelgen mádenıet úıine aýdandyq bıýdjetten 7 mln teńge baǵyttaldy. Kóptiń tilegi oryndalyp, uıaly baılanys jelisi tartyldy.

Jaqynda ǵana el Táýel­sizdiginiń 30 jyldyǵyna oraı joǵaryda atalǵan jańa keshenderdiń ashylý saltanaty ótkizildi.

Jańa demalys oryndarynyń ashylý rásimine Jankeldi aýdany ákimdiginiń ókilderi, máslıhat depýtattary jáne aýyl turǵyndary men syrtta júrgen el janashyrlary jınaldy.

Jangeldi aýdany ákiminiń orynbasary Erenbol Almatov týǵan jerdi túletý maqsatynda demeý­shilik bildirgen mesenat­tarǵa aýdan ákiminiń gramotasyn tabys etti.

Ilkimdi isterdiń tanystyrylymy Qyzbel aýylynyń mádenı uıymdastyrýshysy Aıjamal Baımyrza ázirlegen aýyl óne­r­paz­darynyń konserttik baǵdar­lamasyna jáne sporttyq jarys­tarǵa ulasty. Is-shara barysynda aýyl aqsaqaldary eline eńbegi sińgen azamattarǵa alǵysyn jaý­dyrdy.

Qoryta aıtqanda, bul – aý­qymdy isterdiń alǵashqy qada­my. Endigi kezekte jol máse­lesi sheshilip, aýyl jaqqa sapaly ınternet tartylsa degen tilek bar.