Oqıǵa Rysqulov dańǵylynyń boıynda oryn aldy. Kýágerlerdiń túsirgen vıdeosy áleýmettik jelide tarady. Sondaı-aq, oqıǵanyń kólik qozǵalysyna kedergi keltirgeni kórinip tur.
Atalmysh oqıǵaǵa baılanysty «Almaty jylý júıesi» JShS baspasóz qyzmeti túsinik berdi.
«Almaty qalasynyń turǵyndary men qonaqtarynyń nazaryna! Jylý trassasynyń jarylýyna baılanysty Rysqulov dańǵyly boıymen Jansúgirov kóshesinen Rozovaıa kóshesine deıin batys baǵyttaǵy qozǵalys jabyldy. Shekteý jol tósemin qalpyna keltirgenge deıin kúshinde bolady. Jol qozǵalysyna qatysýshylardy qozǵalys baǵytyn aldyn ala túzetýge jáne jol qozǵalys erejelerin múltiksiz saqtaýǵa shaqyramyz», delingen habarlamada.
