«Parıj qalasynda qazaqtyń bas aqyny, aǵartýshy, oıshyl Abaı Qunanbaıulynyń bıýsti ashyldy. Bıýst Parıjdiń ortalyǵynda aqyndar alańynda ornatyldy, onda fransýz jazýshysy Vıktor Gıýgo, orys aqyny, proza jazýshysy Aleksandr Pýshkın jáne t.b. qurmet kórsetildi.
Abaı Qunanbaıulynyń músini Táýelsizdigimizdiń 30 jyldyǵy qarsańynda ashyldy. Uıymdastyrýshysy – QR Fransııadaǵy Elshiligi, bıýst demeýshilik qarajat esebinen ashyldy.
Memleket basshysynyń tapsyrmasy boıynsha qalamyzdyń ekonomıkasyna jeke ınvestısııalar tartý boıynsha jumys júrgizip jatyrmyz. Parıj qalasynyń meri Ann Idalgomen dostyq pen yntymaqtastyq týraly paktige qol qoıyp, birlesken jobalardy júzege asyrýdy talqyladyq. Máselen, Nur-Sultanda 30-dan astam fransýz kompanııasy jumys isteıdi. Bul birlesken mańyzdy jobalardy ashý jáne jeke ınvestısııalardy tartý ǵana emes, sol sııaqty qosymsha jumys oryndaryn qurý bolyp sanalady.
Birlesken jobalar sanyn keńeıtetin bolamyz. Sonymen birge elordamyzda Fransııanyń jeke ınvestısııalary esebinen jeke mektep salý týraly kelisimge keldik. Sondaı-aq, mýzeıler ujymyn kelesi jyly kórmelerimen shaqyrdyq, olar elordamyzdyń mádenı salasyn damytýǵa óz úlesin qosatyny sózsiz», dep jazdy elorda ákimi.
