Jańa Zelandııa vıse-premeri Grant Robertson aqpanda Beıjińde ótetin qysqy Olımpıada oıyndaryna mınıstrlik deńgeıdegi dıplomattar jibermeıtinin málimdedi. Ol bul sheshimdi koronavırýstyń taralýymen jáne logıstıkalyq qıyndyqtarmen baılanystyrdy.
«Onda mınıstrlik deńgeıinde bolmaıtynymyzdy anyq aıttyq. Birqatar sebepter boldy, biraq negizinen COVID-19-ǵa jáne sapar logıstıkasy mundaı issaparǵa qolaıly bolmaýyna baılanysty bolyp otyr», dedi Grant Robertson.
Premer-mınıstr orynbasarynyń aıtýynsha, QHR-ǵa Jańa Zelandııanyń sheshimi týraly qazanda habarlanǵan. Ol Jańa Zelandııa Qytaıdy adam quqyqtaryna qatysty alańdaýshylyqtary týraly birneshe ret habardar etkenin aıtty.
«Qytaıǵa adam quqyqtary máselelerine qatysty alańdaýshylyǵymyzdy birneshe ret túsindirdik. Jaqynda premer-mınıstr prezıdent Sımen sóılesken kezde de aıtyldy. Olar bizdiń adam quqyqtaryna degen kózqarasymyzdy jaqsy biledi, biraq qatyspaý týraly sheshim qabyldadyq», dedi ol.
