Qaıǵyly oqıǵa Jetisý yqsham aýdanynda boldy.
Almaty qalasy polısııa departamentinde málimdegendeı, 1995 jyly týǵan T. esimdi azamatsha óz-ózine qol jumsaýǵa tyrysqan. Áıel kópqabatty turǵyn úıdiń besinshi qabattaǵy páterdiń terezesinen sekirgen. Áıel tiri, qazir ol aýrýhanaǵa jatqyzyldy.
Oqıǵanyń mán-jaıyn anyqtaý barysynda qaıǵyly oqıǵa bolmas buryn, áıeldiń ýlaný úshin dári-dármekter ishkeni anyqtaldy.
Aldyn ala málimet boıynsha, ózine-ózi qol jumsaý áreketiniń sebebi erli-zaıyptylar arasyndaǵy ajyrasý prosesi bolýy múmkin.
«Oqıǵanyń tolyq derekteri anyqtalýda. Atalǵan fakti QR QK-nyń 105-baby boıynsha sotqa deıingi tergep-tekserýdiń biryńǵaı tiziliminde tirkeldi», dedi polısııa departamenti.
Al Qoǵamdyq densaýlyq saqtaý basqarmasy áıeldiń jaǵdaıy turaqty aýyr ekenin málimdedi.
