Mınıstr О́zbekstan Prezıdentine áriptesterimen birge SÚO-nyń negizgi mindet-baǵyttaryn tanystyrǵan.
«Qyzmetter men servısterdi alý úderisi tolyǵymen qaıta qaralatyn Sıfrlyq transformasııa ortalyǵyn kórsettik. STO-da zańnamaǵa taldaý jasalyp, memlekettik organdardyń tıimdiligin arttyrý jáne bıýrokratııalyq kedergilerdi joıý úshin qaı prosesterdi jeńildetip, qaısysyn jetildirý kerektigi týraly tıisti qorytyndylar shyǵarylady», dedi mınıstr.
Sondaı-aq О́zbekstan Prezıdentiniń nazaryna sıfrlyq transformasııanyń arqasynda jaqsy nátıje kórsetip, azamattardyń ómirin jeńildetip jatqan qyzmetter (avtokólikti, jyljymaıtyn múlikti tirkeý jáne t.b.) tanystyryldy.
Ofıstiń túrli analıtıkalyq múmkindikteri, sonyń ishinde halyqty vaksınalaý barysy men qarqynyna sıfrlyq monıtorıng jasaý júıesiniń jumysy da tanystyryldy.
«Saýda jáne ıntegrasııa mınıstri Baqyt Sultanov onlaın tártipte azyq-túlik baǵasyna monıtorıng pen boljam jasaýǵa múmkindik beretin Ishki jáne syrtqy saýda boıynsha analıtıkalyq platformany nazarǵa usyndy. Al Qarjy vıse-mınıstri Marat Sultanǵazıev kontragentter arasyndaǵy mámilelerdi onlaın tártipte qadaǵalaýǵa jol ashqan «Elektrondyq shot-faktýralar» júıesin tanystyrdy», dep aıtty Baǵdat Mýsın.
Onyń sózinshe, eki el aldaǵy ýaqytta sıfrlyq jobalardy iske asyrý barysynda yntymaqtastyǵyn nyǵaıtýǵa kelisti.
