«Altyn dáriger» tósbelgisi óz qyzmetinde erekshe kásibı sheberlik pen qaısarlyq tanytqan densaýlyq saqtaý júıesiniń qyzmetkerlerine adal jáne minsiz eńbegi úshin tapsyrylady.
Medal mamannyń otandyq densaýlyq saqtaýdy, halyq densaýlyǵyn jaqsartýǵa jáne belsendi qoǵamdyq qyzmetke qosqan zor úlesi men eńbegin moıyndaý bolyp sanalady.
Orazaly Rahımov Densaýlyq saqtaý salasynda 35 jyldan astam jumys istep keledi. Eńbek jolyn Selınograd oblystyq aýrýhanasynda dáriger-ıntern bolyp bastaǵan, aýyldyq dárigerlik ambýlatorııada aldymen terapevt, sodan keıin bas dáriger bolyp jumys isteıdi. Jedel medısınalyq járdem brıgadasynyń dárigeri jáne balalar aýrýhanasynda lor-dáriger boldy. №3 qalalyq emhanada Orazaly Rahımov 24 jyl jumys isteıdi. Sońǵy jyldary Esil aýdany boıynsha shaqyrylǵan medısınalyq komıssııanyń tóraǵasy.
«Shynymdy aıtsam, kútpedim. Biraq meniń kandıdatýramdy usynǵan jandarǵa rızamyn. Densaýlyq saqtaý salasyndaǵy eńbegimniń elenýi - men úshin úlken qurmet pen qýanysh. Sezimimdi aıtyp jetkizý múmkin emes», dep óz oıymen bólisti dáriger.
Orazaly Rahımovtyń aq halatynda altyn jalatylǵan jáne fıanıti bar tósbelgi aıqyn kórinedi.
Aıta keteıik, buǵan deıin COVID-19 pandemııasy kezinde qaıtys bolǵan dárigerler «Altyn dáriger» medalimen marapattaldy.
