Aıta keteıik, «Táýelsizdik urpaqtary» granty Memleket basshysynyń tapsyrmasymen ázirlendi.
Grant el Táýelsizdiginiń 30 jyldyǵyn merekeleý aıasynda «Ǵylym», «Mádenıet», «Bıznes», «Aqparattyq tehnologııalar», «Medıa» baǵyttary boıynsha beriledi. Konkýrstyq ótinimderdi qabyldaý aıaqtalǵanda 14-29 jas aralyǵyndaǵy jastar grant alýǵa úmitker bola alady.
Búgin úzdik 30 jobaǵa 3 mln teńgeden tabystalmaq. Granttar QR azamattaryna jańa ıdeıalar men bastamalardy iske asyrý úshin joǵaryda atalǵan baǵyttar boıynsha konkýrstyq negizde:
«Ǵylym» - ǵylymnyń basym sektorlarynda jańa ǵylymı jobalar men zertteýlerdi iske asyrý;
«Mádenıet» - Qazaqstannyń mádenı murasyn tanymal etýge, halyqtyq mádenı dástúrler men ónerdi ilgeriletýge baǵyttalǵan jobalardy iske asyrý;
«Aqparattyq tehnologııalar» - jańa IT-sheshimder men jobalardy, onyń ishinde bastaýshy startap-jobalardy iske asyrý jáne ázirleý;
«Bıznes» - ekonomıkanyń basym sektorlarynda jańa bıznes-ıdeıalardy iske asyrý;
«Medıa» - jańa medıa-jobalardy, onyń ishinde jastar úshin tanymdyq, paıdaly, qyzyqty kontentti qurý jónindegi jobalardy iske asyrý úshin beriledi.
