Amerıka basshysy óz málimdemesinde Omarova AQSh Qarjy mınıstrligi jumysyna baǵa jetpes jańashyldyq ákele alatynyn aıtty. Baıden Omarova Amerıka Qurama Shtattaryna kelgenge deıin Keńes ókimeti bıliginde ómir súrgeni, sol kezde onyń amerıkalyq bolý armany bolǵanyn bildiretinin jáne Amerıkaǵa kóshý arqyly ony júzege asyrýǵa múmkindik alǵanyn aıtty.
«Tutynýshylar múddesiniń kúshti jaqtaýshysy jáne qarjy júıemizdiń qaýipsizdigi men turaqtylyǵynyń senimdi qorǵaýshysy retinde Sáýle amerıkalyqtardyń atynan mańyzdy jumysymyzǵa baǵa jetpes kózqaras pen perspektıva ákele alar edi», dedi ol.
Sonymen qatar Baıden Omarova kóp shabýylǵa ushyraǵanyn atap ótti.
«О́kinishke qaraı, onyń kandıdatýrasy bastalǵannan Sáýle shabýyldarǵa ushyrady. Men tóraǵa Braýnǵa ádil tańdaý jasaǵany úshin jáne Omarovaǵa biliktiligin kórsetý múmkindigin bergeni úshin alǵys aıtamyn», dep túıindedi Baıden.
Qarjy mınıstrliginiń Valıýtalyq baqylaý basqarmasy federal bank júıesindegi 1200-ge jýyq ulttyq bankterdi qadaǵalaıtyn jáne retteıtin negizgi agenttik sanalady.
