«Jalpy ekonomıkalyq jaǵdaı turaqty. Koronavırýs ınfeksııasymen aýyrǵandar sany azaıyp keledi. Infeksııalyq aýrýhanalardaǵy oryndar 24 paıyzǵa, al reanımasııadaǵy oryndar 21 paıyzǵa júktelgen. О́ńirlerdiń kóbi «jasyl» aımaqta (11), «sary» aımaqta 5 óńir, «qyzyl» aımaqta 1 ǵana óńir bar. Koronavırýs ınfeksııasynan qorǵaýy múmkin negizgi qural vaksına alý men revaksınasııa bolyp tabylady. Qazirgi ýaqytta shamamen 8,8 mln adam birinshi komponent saldyrdy. Bul 18 jastan asqan azamattardyń 77,5 paıyzy. Ekinshi komponentti 72,4 paıyzy saldyrdy», dedi Asqar Mamın Úkimet otyrysynda.
Sondaı-aq, ol vaksınalaý qarqyny tómen óńirlerdi atady.
«Mańǵystaý, Qostanaı jáne Batys Qazaqstan oblystaryna vaksınalaýmen jáne revaksınalaýmen qamtýdy kúsheıtý qajet. Ákimdikter Densaýlyq saqtaý jáne Aqparat mınıstrlikterimen birlesip, halyqtyń arasynda revaksınasııalaý qajettiligi jóninde aqparattyq túsindirý jumysyn qamtamasyz etsin. Vırýstyń jańa shtamy paıda bolǵanyn eskerip, memlekettik shekarada syrttan keletin adamdardy kúsheıtilgen baqylaý jalǵastyrylsyn», degen Úkimet basshysy bul istiń bárin baqylaýdy orynbasary Eraly Toǵjanovqa júktedi.
