Floıd Meızvezer ótken aptanyń aıaǵynda 2013 jyly Alvaresti qalaı jeńgenin jankúıerlerdiń esine salyp, «men rıngte jeńil-jelpi serýendep júrip, oǵan bokstan sabaq bergenmin» degen syńaıda ún qatyp, meksıkalyq boksshynyń tabysty mansabyn ruqsat etilmegen dári-dármek qoldanýymen de baılanystyrǵan bolatyn. Bul sóz «Kanelonyń» ashýyn keltirse kerek.
«Floıdtyń «Kaneloǵa» til tıgizýiniń sebebi túsinikti. 31 jastaǵy «Kanelo» qazirdiń ózinde onyń búkil kásibı mansabynda qol jetkizgen tabysynan asyp tústi. «Kanelo» kásibı mansabyn aıaqtaǵan kezde odan qanshalyqty alda turatynyn Floıd sezedi», delingen Saýl Alvarestiń habarlamasynda.
