«Memlekettik bıýdjettiń shyǵystary - 97,5, respýblıkalyq bıýdjettiń shyǵystary - 99,4, jergilikti bıýdjetterdiń shyǵystary 95,8 paıyzǵa atqaryldy. Respýblıkalyq bıýdjet boıynsha shyǵystar 13 trln teńgeni qurady. Atqarylmaý - 81 mlrd teńge, onyń ishinde 15 mlrd teńge - únemdeý. Igerilmegeni - 66 mlrd teńge. Igerilmeýdiń neǵurlym iri somalary Mádenıet jáne sport, Sıfrlyq damý, Innovasııalar jáne aeroǵarysh ónerkásibi, Indýstrııa jáne ınfraqurylymdyq damý, Aýyl sharýashylyǵy jáne Ishki ister mınıstrlikterinde qalyptasty», dedi mınıstr.
Mınıstrdiń málimetinshe, naqty kórsetilgen qyzmetter kólemi úshin aqy tóleý, oryndalǵan jumystar aktilerin, shot-faktýralardy ýaqtyly usynbaý, konkýrstyq rásimderdi uzaq ótkizý, qarjylandyrý josparlaryna ózgerister engizý qajettiligi - bıýdjet qarajaty ıgerilmeýiniń negizgi sebepteri bolyp otyr.
«Jergilikti bıýdjetterdiń shyǵystary 8 trln teńgeni qurady. 327 mlrd teńgege atqarylmaǵan. Osy jyly óńirlerge 2,5 trln teńge somasynda nysanaly transfertter kózdelgen. 1 qarashaǵa olarǵa 2 trln 157 mlrd teńge bólingen. Onyń 94,2 paıyzy ıgerildi. Atqarylmaǵany – 124 mlrd teńge, onyń ishinde únemdelgeni – 21 mlrd teńge. Igerilmegen eń úlken soma Nur-Sultan qalasynda, Almaty, Batys Qazaqstan, Túrkistan oblystarynda jáne Almaty qalasynda qalyptasty», dedi Erulan Jamaýbaev.
