Qaznettegi habarlamalardyń birinde Pfizer/BioNTech shyǵarǵan vaksınanyń baǵasy 50 000 teńgeni quraıdy dep jazylǵan. Habarlamanyń avtory bul aqparatty №4 Almaty emhanasynan bilgenin atap ótti.
Emhananyń ózinde bundaı aqparatty eshkim taratpaǵanyn, ıaǵnı ol jalǵan ekeni aıtyldy.
«Búgingi kúni №4 qalalyq emhanada Pfizer kompanııasynyń vaksınasyn aqyly túrde alýǵa nıet bildirýshiler aldyn ala jazylýda. Vaksınanyń quny áli belgisiz. Emhana dárigerlerine vaksına qunyna qatysty nusqaý berilgen joq», dep habarlady mekeme.
Stopfake.kz naqtylaǵandaı, 50 000 teńge turatyn vaksına týraly habarlama feık bolyp shyqty. Búgingi kúni vaksınanyń baǵasy áli jarııalanǵan joq.
Aıta ketsek, 12 jastan 18 jasqa deıingi balalar, júkti jáne bala emizetin áıelder Pfizer/BioNTech preparatymen vaksınasııany tegin ala alady.
