Mınıstrdiń aıtýynsha, ınvestısııalar qurylys salasynda - 2,1 esege, óńdeý ónerkásibinde - 50,5, aýyl sharýashylyǵynda - 40,5, saýdada - 34,2, jyljymaıtyn múlikpen operasııalar salasynda - 18,6 jáne qarjy salasynda - 14,2%-ǵa ósken.
«О́ńirler arasynda eń joǵarǵy kórsetkish Shymkent, Almaty qalalarynda jáne Aqtóbe men Pavlodar oblystarynda baıqalýda», dep qosty Áset Erǵalıev.
Barlyq kórsetkishter boıynsha oń ósý Almaty, Shyǵys Qazaqstan, Jambyl, Mańǵystaý jáne Pavlodar oblystary men Shymkent jáne Nur-Sultan qalalarynda tirkeldi.
Aıta ketsek, 11 aı ishinde Shymkenttegi óndirýshi salalardaǵy ınvestısııalyq belsendilik 55,2%-ǵa artqan. Turǵyn úıdi paıdalanýǵa berý de 63,6%-ǵa ósken. Atalǵan eki sanat boıynsha Shymkent qalasy respýblıkada kósh bastap tursa, qurylys sektorynda ósý qarqyny boıynsha alǵashqy bestikke endi.
