Atyraý qalalyq ákimdigi men jolaýshy tasymaldaıtyn kásiporyndardyń basshylary turǵyndarǵa osyndaı tartý jasap otyr.
«Atyraý qalasynda mereke kúnderi jolaýshy tasymaldaý úshin ádettegideı 220 avtobýs marshrýtqa shyǵady. El táýelsizdiginiń 30 jyldyq mereıtoıyna baılanysty Atyraý qalalyq ákimdigi men jolaýshy tasymaldaıtyn kásiporyndar basshylarynyń ortaq sheshimimen 16, 17 jeltoqsanda barlyq baǵyttaǵy qoǵamdyq kólikterde jol júrý tegin bolady. Eki kún boıy tegin júrý quqyǵyn jas shamasyna qaramastan, barlyq jolaýshy paıdalana alady» dep habarlady ákimdiktiń baspasóz qyzmeti.
Qalalyq ákimdik jolaýshylardy qoǵamdyq kólikte maska taǵý rejımin saqtaýǵa shaqyryp otyr.
