«Egemendik jáne Elbasy» atty fotokórmege Shúkir Shahaı, Igor Býrgandınov, Iýrıı Bekker, Orynbaı Balmurat jáne Erlan Omarov sııaqty belgili fotojýrnalıster túsirgen 50 fotosýret qoıyldy.
Bul fotosýretter egemendik jolynda el tarıhyna engen aıtýly oqıǵalar men aıshyqty sáttermen qamtylǵan. Ár sýret - jeke bir tarıh. Elbasy Nursultan Nazarbaevqa júktelgen zor senim men mindetterdiń aqtalý kezeńderi beınelengen týyndylar jurtyshylyqqa fotojýrnalısterdiń kózimen usynyldy.
Aıta ketsek, shara aıasynda «Egemen Qazaqstan kitaphanasy» serııasymen jaryq kórgen «El jáne Elbasy» kitabynyń tanystyrylymy ótti.
Atalǵan jınaqqa elimizdiń bas basylymy «Egemen Qazaqstan» betterinde jarııalanǵan, Elbasynyń memleket qalyptastyrýshy retindegi jeke tulǵalyq ári qaıratkerlik qyrlaryn ashatyn, táýelsizdik tarıhynan syr shertetin maqalalar toptastyrylǵan. Kitaptyń avtorlary - jınaqqa engen tarıhı oqıǵalardy óz kózimen kórgen kýágerler.
