Kezdesý elorda ýaqytymen saǵat 19:30-da bastalyp, Qazsport telearnasynan tikeleı efırde kórsetiledi. Eki komanda búginge deıin 42 márte sheberlik baıqasty.
Onyń 7-i «Barystyń» basymdyǵymen aıaqtalsa, qalǵanynda reseılik klýbtyń mereıi ústem boldy. Eki komanda arasyndaǵy sońǵy alty kezdesýdiń barlyǵynda reseılik klýb jeńiske jetti. «Barystyń» bıylǵy týrnırdiń sońǵy alty kezdesýiniń tórteýinde joly boldy, qalǵanynda qarsylastaryna ese jiberip qoıdy.
Al «Sochı» sońǵy alty kezdesýdiń tórteýinde qarsylasyn tize búktirdi.
Eske salsaq, «Barys» budan buryn Reseıde «Ak Bars» (Qazan) komandasynan basym tústi. Al «Sochı» syrt aıdynda Reseıdiń «Salavat Iýlaev» (Ýfa) komandasyna ese jiberdi.
Qazir «Barys» 36 oıynnan keıin 34 upaımen týrnır kestesinde 20-orynda keledi. Al «Sochı» 34 upaımen 19-orynda tur.
