Brazılııa Densaýlyq saqtaý mınıstrligi Rıo-de-Janeıroda áıgili karnavaldy toılaýǵa qarsy. Bul týraly COVID-19-ǵa qarsy tótenshe departamentiniń basshysy Rozana Leıte de Melo aıtty, dep habarlady RG.ru.
Melo Depýtattar palatasynyń Týrızm jónindegi komıssııasynyń otyrysy barysynda osyndaı málimdeme jasady. Ol brazılııalyqtar arasynda vaksınasııanyń joǵary deńgeıine qaramastan, azamattar buqaralyq is-sharalardy ótkizýdi shekteıtin DDSU usynystaryn ustanýy kerek ekenin atap ótti.
«Biz qazir pandemııa jaǵdaıynda ómir súrip jatqanymyzdy umytpaýymyz kerek. Karnaval, árıne, bárimizdi biriktiretin mereke, biraq sonymen birge is-sharanyń formaty adamdar arasyndaǵy qashyqtyqty saqtaýǵa jáne betperde kııýge múmkindik bermeıdi. Vaksınasııanyń tolyq kýrsynan ótken adam da koronavırýsty qaıtadan juqtyrýy múmkin», dedi Rozana Leıte de Melo.
