ÁÁK armııa avıasııasynyń bastyǵy polkovnık Nurlan Baıdýllaev, avıasııa bazasynyń komandıri polkovnık Maqsutbek Ádilbaev Mı-171Sh tikushaǵymen elorda aspanynda Qazaqstannyń Memlekettik týyn qalyqtatyp alyp ushty.
Bul rásimdi oryndaý barysynda olarmen tájirıbeli ushqyshtar men shtýrmandar basqarǵan Mı-17 buramaly qanatty tikushaqtar ushty.
Aksııaǵa qatysýǵa arnaıy iriktelgender qatarynda áskerı paradtardyń, «KADEX» qarý-jaraq pen áskerı-tehnıkalyq múlik halyqaralyq kórmesine qatysqan áskerı ushqyshtar boldy.
«Tý – ár memlekettiń basty sımvoldarynyń biri, eldiń egemendigi men birtutastyǵynyń belgisi. Qazaqstan halqy úshin mańyzdy kúndi merekeleý qarsańynda oqý-jattyǵý ushýlaryn oryndaý arqyly aksııaǵa qatysýdy jón kórdik», dedi Áskerı-áýe kúshteriniń qolbasshysy polkovnık Nurbolat Topaev.
