«Áli de, aýqymdy antısıklonnyń yqpalymen respýblıkamyzdyń basym bóliginde jaýyn-shashynsyz aýa raıy bolady, tek QR batysynda jańbyr men qar túrinde jaýyn-shashyn jaýady. Respýblıka boıynsha keı jerlerde tuman túsip, kóktaıǵaq bolady, jel kúsheıip, QR batysynda jaıaý burqasyn, ońtústiginde shańdy daýyl soǵady», delingen «Qazgıdromet» RMK habarlamasynda.
Jambyl oblysynyń soltústiginde, taýly jáne taý bókterli aýdandarynda tuman túsip, oblystyń ońtústik-batysynda, soltústik-shyǵysynda jáne taýly aýdandarda jeldiń kúshi 15-20, ekpini 23-28 m/s jetedi.
Túnde jáne tańerteń Almaty oblysynyń ońtústiginde tuman túsip, kúndiz Alakól kólderiniń aýdanynda jel jyldamdyǵy 18-23 m/s jetedi.
Túrkistan oblysynyń ońtústiginde, batysynda jáne taý bókterli aýdandarynda tuman túsip, oblystyń soltústiginde jáne taýly aýdandarynda jel kúsheıedi.
Batys Qazaqstan oblysynyń soltústiginde, soltústik-batysynda jaıaý burqasyn, kóktaıǵaq bolady.
Atyraý oblysynyń soltústiginde, shyǵys jáne ortalyǵynda tuman túsip, kóktaıǵaq bolady, oblystyń soltústiginde jel jyldamdyǵy 15-20 m/s jetedi.
Kúndiz Aqtóbe oblysynyń batysynda, ońtústik-batysynda kóktaıǵaq bolyp, oblystyń ońtústik-batysynda jáne ortalyǵynda jel turady.
Mańǵystaý oblysynyń batysynda, soltústik-shyǵysynda jel bolady.
Qyzylorda oblysynyń ortalyǵynda jel jyldamdyǵy 15-20 m/s jetedi.
Aqmola oblysynyń soltústiginde, shyǵysynda, Qostanaı oblysynyń soltústiginde, Qaraǵandy oblysynyń soltústiginde jáne ońtústiginde, Shyǵys Qazaqstan oblysynyń shyǵysynda, túnde jáne tańerteń Soltústik Qazaqstan oblysynyń ońtústiginde tuman túsedi.
