Buǵan deıin HOK prezıdenti 2028 jylǵy jazǵy Olımpıadaǵa enetin 28 sport túrin jarııalaǵan bolatyn. Atalǵan tizimge úsh sport túri enbeı qaldy.
– HOK atqarýshy komıteti boks, aýyr atletıka jáne qazirgi bessaıystyń ótinishin qabyldaý nemese keri qaıtarý týraly oılanatyn bolady. AIVA qarjylyq ashyqtyq boıynsha jumystyń jaqsarǵanyn kórsetýi tıis. Sondaı-aq tóreshilerdi taǵaıyndaýdy durys jolǵa qoıýy kerek.
IWF dopıngpen kúres jónindegi usynystardy tolyq oryndap, dopıngke qarsy baǵdarlamanyń tolyq táýelsizdigin dáleldeýi tıis. Al UIPM atpen jarysýdy almastyratyn jańa baǵdarlamany daıyndap shyǵýy qajet, - dedi Bah.
Boks, aýyr atletıka men qazirgi bessaıysty Olımpıada baǵdarlamasynda saqtaý máselesi HOK-tiń 2023 jylǵy sessııasynda qaralady.
