Bul týraly Wall Street Journal gazeti AQSh Prezıdenti Ákimshiliginiń aty atalmaǵan ókiline silteme jasap aqparat taratty.
«Aldaǵy eki kúnde biz eýropalyq seriktesterimizben kelissózderdi jalǵastyramyz. Biz alǵa jyljý jolyn tabý úshin reseılik seriktesterimizben kelissózderdi retteımiz», deıdi basylym sheneýniktiń sózin keltirip.
«Biz árıne, reseılik tarappen osy máselelerdiń tolyq tizimi týraly sóılesýge daıynbyz», dep qosty ol.
Pýtın men Baıden seısenbi kúni qorǵalǵan beınebaılanys arnasy boıynsha jabyq rejımde kelissózder júrgizdi. Ol eki saǵatqa sozyldy. Kelissóz nátıjeleri boıynsha Baıden áńgime barysynda Ýkraınanyń aınalasyndaǵy jaǵdaıǵa alańdaýshylyq bildirip, dıplomatııalyq retteýge shaqyrǵanyn jáne sheshýshi sharalarmen, sonyń ishinde ekonomıkalyq sharalarmen qorqytqany týraly habarlady. Pýtın amerıkalyq áriptesine Ýkraınanyń Mınsk kelisimderin oryndamaǵany týraly habarlap, sonymen qatar NATO Ýkraına aýmaǵyn ıgerýge qaýipti áreketter jasap, Reseı shekaralarynda áskerı áleýetin arttyrýǵa talpynyp jatqanyn atap ótken.
Kelesi kúni Baıden AQSh pen NATO-nyń jetekshi elderiniń Reseımen kezdesýi daıyndalyp jatqanyn aıtty.
