«Ár zamannyń óz batyrlary bar. Osy jáne ótken jyl ońaı bolǵan joq. Artylǵan júkteme men táýekelder eselep ósti, alaıda dárigerlerimizdiń, tártip saqshylarynyń, qutqarýshylardyń, eriktilerdiń qajyrly eńbeginiń arqasynda myńdaǵan adamnyń ómirin qutqarý múmkin boldy.
El Táýelsizdiginiń 30 jyldyǵy qarsańynda áleýmettik mańyzy bar mamandyq ókilderiniń qurmetine konsert uıymdastyrylyp, olarǵa «Altyn júrekti jandar» músinsheleri tabys etildi. Olardyń qatarynda medısına qyzmetkerleri, pedagogter, TJD, polısııa departamentiniń qyzmetkerleri, kommýnaldyq qyzmetkerler, eriktiler, jýrnalıster bar.
Mysaly, marapattalǵandar arasynda jedel járdem júrgizýshisi Erkin Kóksegen bar. Ol pandemııa kezinde myńnan astam naýqasqa kómektesti; Marına Makıenko - «qyzyl aımaqta» alǵashqylardyń biri bolyp jumys istegen, Ernur Maratuly - tájirıbeli anestezıolog–reanımatolog, medısına salasynda 25 jyldan astam ýaqyt jumys istep keledi.
Asan Baltabaev áıeldi balalarymen birge ottan qutqardy, al Almaz Qultanov sýǵa batyp bara jatqan áıeldi qutqardy.
Sondaı-aq, kún saıyn bizdiń qalalyqtardyń ómirine arasha túsetin qutqarýshylar/órt sóndirýshilerdiń; pandemııa kezinde balalarymyzdy qashyqtan oqytyp, materıaldy meńgerýge, balalar úshin mańyzdy emtıhandarǵa daıyndalýǵa kómektesken muǵalimderdiń; betperde, dári-dármek taratqan eriktilerdiń eńbegi atap ótildi.
Mundaı mysaldar kóp. Áleýmettik mańyzy bar mamandyq ıesiniń árbiri — batyr. Eńbekterińiz ben kásibı sheberlikterińiz úshin alǵys aıtamyn!
Biz óz tarapymyzdan qolaıly jumys isteý úshin jaǵdaı jasaý: turǵyn úı máselesi, jalaqyny arttyrý, materıaldyq-tehnıkalyq bazany jańartý jáne t. b. boıynsha jumysty jalǵastyramyz», dep jazdy Altaı Kólginov.
