Oblys ákimdigi Túrkistan qalasyna deıin munaı ónimderin jetkizý aqyly avtojol arqyly júzege asyrylatynyn atap ótti. Bul ónimniń túpkilikti qunyna áser etedi.
Keńes qorytyndysy boıynsha qazirgi tańda Shymkent MО́Z shtattyq rejımde jumys isteıdi, zaýytta munaı ónimderin óndirý josparǵa sáıkes júzege asyrylyp jatyr.
«Sonymen qatar janar-jaǵarmaı quıý stansııalaryna munaı ónimderin úzdiksiz satýdy qamtamasyz etý maqsatynda, Qazaqstan Respýblıkasynyń munaı óńdeý zaýyttaryna Túrkistan oblysynyń JQS jelilerine janar-jaǵarmaıdy (JJM) basymdyqpen jóneltý boıynsha shuǵyl sharalar qabyldaý tapsyryldy. Qazirgi ýaqytta negizgi JQS-da saýda shekteýsiz júrip jatyr», delingen habarlamada.
Jergilikti avtojanarmaı quıý jelilerine munaı ónimderin jóneltýdi aldyn ala josparlaý, sondaı-aq JJM rezervtik qorlaryn qalyptastyrý usynyldy.
Sonymen qatar bıyldyń qarasha aıynda benzın óndirisiniń kólemi 444,5 myń tonnany qurady (onyń ishinde «PKOP» JShS – 171,3 myń tonna), jeltoqsanda josparlanǵan óndiris kólemi 447,4 myń tonnany quraıdy (onyń ishinde «PKOP» JShS-172,9 myń tonna). Benzınderdiń ortasha táýliktik óndirisi – táýligine 15,7 myń tonna, iri MО́Z-de jóneltý – táýligine 14,5 myń tonna.
Osy jylǵy 1 jeltoqsandaǵy jaǵdaı boıynsha Túrkistan oblysynda (Shymkent qalasyn qosa alǵanda) benzınderdiń jıyntyq qaldyqtary 14,2 myń tonnany qurady. Bul rette 10-jeltoqsanda benzınniń jalpy qory 15,4 myń tonnany quraıdy, qalǵan qordyń 1,2 myń tonnaǵa óskenin atap ótemiz.
