Qazaqstan Respýblıkasy Táýelsizdiginiń 30 jyldyǵy qarsańynda Qazaqstan Respýblıkasy Prezıdentiniń Jarlyǵymen elimizdiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi, belsendi qoǵamdyq qyzmeti úshin bir top azamat memlekettik nagradalarmen marapattaldy. Olardyń qatarynda óndiris, bıznes, bilim berý, densaýlyq saqtaý salalarynyń kórnekti ókilderi, mádenıet jáne ǵylym qaıratkerleri, sportshylar, eńbek ardagerleri, áskerı qyzmetshiler, quqyq qorǵaý organdarynyń qyzmetkerleri bar.
«Qazaqstannyń Eńbek Eri» joǵary ataǵy Qazaqstan Respýblıkasynyń áleýmettik-gýmanıtarlyq, densaýlyq saqtaý salalaryn damytýdaǵy jáne óndiristik qyzmettegi erekshe eńbegi úshin jazýshy Á.Áshimovke (Tarazı), Nur-Sultan qalasyndaǵy «Onkologııalyq ortalyq» MKK bas dárigeri M.Tóletaevqa, Shyǵys Qazaqstan oblysynyń «Qazmyrysh» JShS bas dırektory A.Hmelevke berildi.
«Otan» ordenimen jazýshy S.Dosanov, eńbek ardageri M.Joldasbekov, aqyn A.Baqtygereeva, «Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev» ordenimen Konstıtýsııalyq Keńes tóraǵasy Q.Mámı, «QazMunaıGaz» UK» AQ basqarma tóraǵasy A.Aıdarbaev, «A.Syzǵanov atyndaǵy Ulttyq ǵylymı hırýrgııa ortalyǵy» AQ basqarma tóraǵasy B.Baımahanov, «Bazis Holding Sompany» JShS dırektorlar keńesiniń tóraǵasy A.Belovıch, jazýshy D.Isabekov, Qazaqstan Pravoslav shirkeýiniń basshysy, Astana jáne Qazaqstan Mıtropolıti Aleksandr marapattaldy.
I dárejeli «Barys» ordenimen «Zenıt» Oral zaýyty» AQ bas dırektory V.Valıev, «Qazhrom» TUK» AQ prezıdenti A.Esenjolov, «Qazaq ulttyq agrarlyq zertteý ýnıversıteti» KeAQ basqarma tóraǵasy – rektor T.Espolov, «Otandastar qory» KeAQ prezıdenti N.Abyqaev, Almaty qalasyndaǵy «Qazaqkonsert» memlekettik konserttik uıymy» RMKK fılıalynyń dırektory A.Qorazbaev, ENRC PLC kompanııasynyń aksıoneri – negizin qalaýshy A.Mashkevıch, Parlament Májilisiniń depýtaty D.Nazarbaeva, eńbek ardagerleri: N.Esenǵarın, Q.Sultanov, T.Súleımenov, Z.Fedotova; II dárejeli «Barys» ordenimen Parlament Senatynyń tóraǵasy M.Áshimbaev, «Konsern TNS-group» ZTB dırektorlar keńesiniń tóraǵasy T.Jumaǵulov, «Sháken Aımanov atyndaǵy «Qazaqfılm» AQ akteri N.Yhtymbaev, aqyn ári jazýshy V.Mıhaılov, «Pavlodar qyzmet kórsetý salasy kolledji» KMQK muǵalimi N.Pokıdova, «Saýts-Oıl» JShS prezıdenti S.Seıtjanov, «Alanda Clinic» JShS dırektorynyń orynbasary S.Toqpanov, Ishki ister mınıstri E.Turǵymbaev, eńbek ardageri Á.Tuıaqov; III dárejeli «Barys» ordenimen mádenıettanýshy K.Abaev, «Ulttyq banktiń Banknottyq fabrıkasy» RMK bas dırektory B.Áljanov, «Nur Otan» partııasy Tóraǵasynyń birinshi orynbasary B.Baıbek, eńbek ardagerleri: M.Baıǵut, Ǵ.Baınazarov, R.Túsipbekov, Qazaqstan Qarjygerler qaýymdastyǵy keńesiniń tóraǵasy E.Bahmýtova, «Kardıohırýrgııa jáne transplantologııa ǵylymı-klınıkalyq ortalyǵy» JShS dırektory S.Joshybaev, «Nursultan Nazarbaev qory» JQ atqarýshy dırektory Q.Jumabaev, Ulttyq ǵylym akademııasynyń akademıgi Z.Dúısenbekov, «Montajspesstroı» kompanııasy» AQ dırektorlar keńesiniń tóraǵasy E.Ejıkov-Babahanov, «Qazaqstan jazýshylar Odaǵy» RQB tóraǵasy U.Esdáýlet, aqyn H.Esenqaraqyzy, Nur-Sultan qalalyq qoǵamdyq keńesiniń tóraǵasy S.Esilov, Túrkistan oblystyq ardagerler keńesiniń tóraǵasy J.Máýlenqulov, «Jambyl atyndaǵy Qazaq memlekettik fılarmonııasy» RMKK ártisi N.Núsipjanov, «Qazaqmys Holdıng» JShS dırektorlar keńesiniń tóraǵasy E.Ogaı, «S.Asfendııarov atyndaǵy Qazaq ulttyq medısına ýnıversıteti» KeAQ professory K.Ormantaev, «BI Group» holdıngi dırektorlar keńesiniń tóraǵasy A.Rahımbaev, «Samuryq-Qazyna» AQ basqarma tóraǵasy A.Sátqalıev, «T.Júrgenov atyndaǵy Qazaq ulttyq óner akademııasy» RMM professory E.Sergebaev, «L.Gýmılev atyndaǵy Eýrazııa Ulttyq ýnıversıteti» KeAQ basqarma tóraǵasy – rektor E.Sydyqov, Parlament Májilisiniń depýtaty B.Tileýhan, «Qazaqtardyń dúnıejúzilik qaýymdastyǵy» RQB tóraǵasynyń birinshi orynbasary Z.Turysbekov marapattaldy.
«Qazaqstannyń eńbek sińirgen qaıratkeri» qurmetti ataǵy ǵylym jáne mádenıet salasynyń 28 kórnekti ókiline berildi, olardyń ishinde teatr jáne kıno ártisteri: M.Ájibekov, J.Qurmanbekov, L.Krıýchkova, rejısser D.О́mirbaev, ónertanýshy E.Reznıkova jáne basqalar bar. «Qazaqstannyń eńbek sińirgen» ustazy qurmetti ataǵy «N.Tilendıev atyndaǵy kishi óner akademııasy» oblystyq daryndy balalarǵa arnalǵan ınternattyq mekemesi bar mamandandyrylǵan mektep» MM muǵalimi D.Tórehanovaǵa berildi.
Belgili ǵalymdardyń, mádenıet qaıratkerleriniń, óndiristik sala ókilderiniń eńbekteri «Parasat» ordenine laıyq dep tanyldy. Olardyń arasynda «M.Áýezov atyndaǵy Qazaq memlekettik akademııalyq drama teatry» RMQK ártisi B.Ábdilmanov, «Ershovskoe-2» JShS dırektory S.Aǵaıdarov, «Munaı-gaz kesheniniń ardagerleri» RQB bas dırektory Z.Alshymbaev, «Otyrar kitaphanasy» ǵylymı-zertteý ortalyǵynyń dırektory T.Jurtbaı, «Rakýrs» ekonomıkalyq taldaý ortalyǵynyń dırektory O.Jandosov, Aqan Seri atyndaǵy Soltústik Qazaqstan oblystyq fılarmonııasy kameralyq horynyń hormeıstory Iý.Kolchın, «Qazaq ádebıeti» gazeti redaksııasynyń meńgerýshisi E.Jappasuly, «Astana» halyqaralyq qarjy ortalyǵy departament dırektorynyń orynbasary Sh.Qurmanbaıuly, jazýshy Z.Naýryzbaeva, «Altaır» JShS dırektorlar keńesiniń tóraǵasy A.Potıchenko jáne basqalar bar.
II dárejeli «Dostyq» ordenine Adam quqyqtary jónindegi ýákil E.Ázimova, «Kaspi.kz» AQ basqarma tóraǵasy M.Lomtadze ıe boldy.
«Qurmet» ordenimen marapattalǵandardyń ishinde shahmatshy J.Ábdimálik, «Astana Opera» «Memlekettik opera jáne balet teatry» KeAQ bas dırıjeri A.Bóribaev, «Kókshetaý qalasy joǵary tehnıkalyq kolledji» MKQK jetekshisi A.Eslámova, «Jekpe-jek óneriniń Assosıasııasy» ZTB prezıdenti B.Ystybaev, Jambyl oblysynyń «I.Trýbısyn atyndaǵy jalpy bilim beretin mektep-gımnazııasy» KMM muǵalimi N.Qaımalaqova, «Bıologııalyq qaýipsizdik máseleleri UZI» RMK laboratorııasynyń meńgerýshisi A.Nahanov, «ArselorMıttal Temirtaý» AQ bolat balqytýshysy V.Pastýh, Pavlodar qalalyq «Daryndy balalarǵa arnalǵan №3 gımnazııa» MM dırektory Q.Quspekova, Shymkent qalalyq «№1 qalalyq klınıkalyq aýrýhana» MQK dárigeri J.Súıgenbaev, rejısser Q.Omarov bar.
III dárejeli «Eńbek Dańqy» ordeni óndiris, kólik, qurylys, aýyl sharýashylyǵy jáne basqa da materıaldyq óndiris salalarynyń 105 jumysshysy men eńbekkerine berildi.
Qazaqstan Respýblıkasynyń Qurmet gramotasymen 553 adam marapattaldy.
Áskerı jáne qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde kórsetken erligi men janqııarlyǵy, eldiń ulttyq qaýipsizdigi men qorǵanys qabiletin nyǵaıtýǵa qosqan úlesi úshin áskerı qyzmetshiler men quqyq qorǵaý organdary ókilderiniń bir toby I jáne II dárejeli «Dańq», sondaı-aq, I, II, III dárejeli «Aıbyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy.
Nagradtalǵandardyń tizimi baspasózde jarııalanady.
