Onda «Qazaqstan Respýblıkasyndaǵy Adam quqyqtary jónindegi ýákil týraly» zań jobasy talqylandy.
Venesııa Komıssııasy retinde kóbirek tanymal, demokratııaǵa quqyq arqyly qadam basqan Eýropalyq Komıssııa onyń qyzmetine qatysatyn memleketterge konstıtýsııalyq jáne quqyqtyq kómek kórsetetin táýelsiz konsýltatıvtik organ. Qazaqstan Respýblıkasy komıssııaǵa 2012 jyldan bastap múshe bolyp keledi.
Komıssııa músheleri Ombýdsmen ınstıtýtynyń zańnamalyq bekitilýin qoldaı otyryp jalpy alǵanda onyń zań jobasyndaǵy táýelsiz mártebesi men qyzmetin júzege asyrý barysynda zań ústemdigi qaǵıdasynyń belgilenýin joǵary baǵalady.
Sondaı-aq qujattyń mazmundyq bóligi boıynsha jeke tilekter aıtyldy, ol ózara kelisim boıynsha odan ári ımplementasııalaý barysynda iske asatyn bolady.
«Qazaqstan Parlamenti Venesııa komıssııasymen yntymaqtastyqty joǵary baǵalaıdy jáne bizdiń zań jobamyzdyń jan-jaqty, obektıvti qaralǵany jáne ol boıynsha syndarly ári paıdaly usynymdar berilgeni úshin oǵan alǵys bildiredi. Prezıdent Qasym-Jomart Toqaevtyń bastamasy boıynsha Qazaqstanda jan-jaqty reformalar júrip jatqanda bul usynystardy júzege asyrý joldary tabylatyn bolady», dep atap ótti Senat Tóraǵasynyń orynbasary Asqar Shákirov óz sózinde.
Qaralǵan zań jobasy boıynsha otyrys sońynda tıisti qorytyndy qabyldandy.
Komıssııa sondaı-aq Ombýdsmen ınstıtýty jónindegi Kishi komıssııanyń vıse-prezıdenti etip Qazaqstan Respýblıkasynan komıssııa múshesi, Qazaqstan Respýblıkasy Prezıdentiniń janyndaǵy Adam quqyqtary jónindegi komıssııanyń tóraǵasy Igor Rogovty saılaý týraly sheshim qabyldady.
«Qazaqstan Respýblıkasyndaǵy Adam quqyqtary jónindegi ýákil týraly» zań jobasy Memleket basshysynyń Qazaqstan Respýblıkasy Parlamentiniń VII shaqyrylymdaǵy birinshi sessııasynyń ashylýynda aıtqan tapsyrmasyna sáıkes ázirlengen bolatyn.
Bir top Parlament depýtattary osy tapsyrmany oryndaý maqsatynda zań jobasyn ázirleý týraly bastama kóterdi, oǵan memlekettik organdardyń, halyqaralyq uıymdardyń jáne azamattyq qoǵamnyń aýqymdy ókilderi qatysty.
