Májilis Spıkeri depýtattyq korpýsty Táýelsizdiktiń 30 jyldyǵymen quttyqtaı otyryp, Qazaqstannyń osy jyldardaǵy barlyq tabystary men jetistikteri barlyq qazaqstandyqtardyń eńbeginiń jáne el basshylyǵynyń strategııalyq bastamalaryn iske asyrýdyń nátıjesi ekenin atap ótti.
«Tıimdi memleket pen ádil qoǵam qurýdyń tujyrymdamalyq negizderin Qazaqstannyń Tuńǵysh Prezıdenti - Elbasy Nursultan Ábishuly Nazarbaev qalaǵan. Búgin, Elbasynyń saıasatyn jalǵastyra otyryp, el Prezıdenti Qasym-Jomart Kemeluly Toqaev Qazaqstannyń odan ári tabysty damýyn qamtamasyz etedi, qoǵam ómiriniń barlyq salalaryna qatysty aýqymdy júıeli reformalarǵa bastamashylyq etedi», dedi Nurlan Nyǵmatýlın óz sózinde.
Sonymen qatar Májilis tóraǵasy reformalardy zańnamalyq turǵydan sapaly ári ýaqtyly súıemeldeýge baǵyttalǵan Parlament jumysyn atap ótti.
Memlekettik jáne qoǵamdyq qyzmettegi eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi úshin I dárejeli «Barys» ordenimen Májilis depýtaty Darıǵa Nazarbaeva, III dárejeli «Barys» ordenimen – májilismen Bekbolat Tileýhan marapattaldy.
Májilis Tóraǵasy «Parasat» ordenin Májilis depýtattary Amanǵalı Berdalın, Amanjan Jamalov jáne Irına Smırnovaǵa tabys etti. Májilis depýtaty Baqytbek Smaǵul da «Parasat» ordeniniń ıegeri atandy.
Nurlan Nyǵmatýlın Májilis depýtattary Azamat Ábildaevqa, Aıqyn Qońyrovqa, Aıbek Paıaevke, sondaı-aq apparat basshysynyń orynbasary Jaslan Júginisov pen bólim meńgerýshisi Bolat Muqanovqa «Qurmet» ordenin tabys etti.
Májilismender Serik Erýbaev, Dmıtrıı Koloda, Iýrıı Lı, Igor Panchenko, Ǵanı Tashqaraev, Maqpal Tájmaǵambetovanyń, sondaı-aq bólim meńgerýshisi Gúlmıra Qalmanbetovanyń jáne apparat qyzmetkerleri Marhabat Qosabaeva men Sálim О́mirzaqovtyń eńbegi «Eren eńbegi úshin» medalimen marapattaldy.
Májilis Apparatynyń qyzmetkerleri Mádına Qasenova, Nazgúl Kúshkimbaeva, Aıjan Matybaeva, Rýstam Tilegenov jáne Gúlmıra Shyntaeva Qazaqstan Respýblıkasynyń Qurmet gramotasyn aldy.
Táýelsizdik jyldarynda Qazaqstannyń qalyptasýy men damýyna qosqan úlesi úshin Májilis depýtattary «Qazaqstan Respýblıkasynyń Táýelsizdigine 30 jyl» merekelik medaldarymen marapattaldy.
Májilis Tóraǵasy TMD parlamenttik assambleıalary men UQShU nagradalaryn tapsyrdy. Premer - Mınıstrdiń orynbasary-Syrtqy ister mınıstri Muhtar Tileýberdi men Májilis depýtaty Muhtar Ermanǵa - TMD PAA «Dostastyq» ordeni.
Májilis depýtattary Saýytbek Ábdirahmanov, Jamılıa Nurmanbetova, Darhan Myńbaı, Qudaıbergen Erjan jáne syrtqy ister mınıstriniń orynbasary Marat Syzdyqov TMD PAA medaldarymen marapattaldy.
TMD PAA qurmet gramotalaryn májilismender Snejanna Imasheva, Lazzat Ramazanova, Baýyrjan Sartbaev, UQShU PA medalin májilismen Arman Qojahmetov, al UQShU PA Qurmet gramotasyn Erlik Taıjanov aldy.
