Kezdesý barysynda Qasym-Jomart Toqaevqa Qazaqstandaǵy birlesken jobalar týraly aqparat berildi.
Andreı Kostın 2020-2021 jyldary Qazaqstannyń iri memlekettik jáne jekemenshik kompanııalarymen jalpy quny 6 mıllıard dollardan asatyn birqatar mańyzdy kelisimge qol qoıylǵanyn habarlady. VTB qarjylandyratyn qazaqstandyq jobalardaǵy qarajattyń jalpy kólemi 11,5 mıllıard dollarǵa jetken.
«KAZ Minerals» kompanııasynyń qarjylandyrylýy osy jyldyń asa úlken kelisimi boldy. ERG kompanııasymen nesıe kelisimderi jańǵyrtylyp, «Samuryq-Qazyna» qorymen jáne onyń enshiles uıymdary – Atyraý munaı óńdeý zaýyty, «Qazaqstan temir joly» ulttyq kompanııasy jáne «Qaztransgaz» aksıonerlik qoǵamymen birqatar nesıelik kelisim iske asyryldy.
Sonymen qatar Qazaqstan Prezıdentine VTB bankiniń jobalyq qarjylandyrý, sonyń ishinde jasyl energetıka baǵytyndaǵy jumystarynyń perspektıvti baǵyttary týraly aqparat berildi.
Qasym-Jomart Toqaev Andreı Kostındi joǵary memlekettik nagrada – «Dostyq» ordenin alýymen quttyqtady.
