Kelesi jyly Almatyda táýelsizdiktiń bir jyldyǵyna arnalǵan saltanatty jıyn boldy. Bizdiń oblystan barǵan delegasııanyń arasynan jalǵyz meni tóralqaǵa otyrǵyzdy. Bárimizdiń baqqanymyz, sózderin qalt jibermeı tyńdaǵanymyz Nursultan Ábishuly boldy. Ol basqa máselelermen qatar keshikpeı jekeshelendirý bastalyp, barlyq kásiporyndar jekemenshikke beriletinin de aıtty. Ol jyldarda biz «sharýashylyq esep» ádisine kóship, kásipornymyz ájeptáýir tabys taýyp turǵan. Endi Prezıdent bárin de jekeshelendirýdi talap etti. Barlyq mal-múlik, qural-saımandar ujym múshelerine tıisti paıǵa sáıkes bólip berilýi kerek eken. Al jeke sharýalar ony kelisimmen qosyp, kooperatıv nemese basqa formadaǵy sharýashylyq qurady degen talap aıtyldy. Shyny kerek, ol kezde biz ony tolyq qabyldamadyq, biraq naryqtyq ekonomıkanyń talaby osy ekenine artynan kózimizdi jetkizdik.
Elbasy óziniń maqalasynda «dúnıede ekonomıkalyq damý men demokratııanyń alýan formasy bolsa da, onyń dál sol kúıinde kóshirip ala qoıatyn ortaq úlgisi joq. Biz álemdik tájirıbeni qorytyp, óz erekshelikterimiz ben múmkindikterimizdi eskerip, «Qazaqstan-2030» strategııasyn túzdik» dep jazypty. Shyn máninde týra kóshirip alatyn úlgi joq edi, sondyqtan jańa jol jasaýǵa týra keldi. Osy jolda Tuńǵysh Prezıdentimiz qıynnan qıystyryp ózindik jol taýyp, elimizdi ekonomıkalyq tyǵyryqtan aman alyp shyqty.
Eskendir ELEÝSIZOV,
oblystyq Ardagerler keńesiniń tóraǵasy
Soltústik Qazaqstan oblysy
