Máselen, Eýrazııalyq ekonomıkalyq odaqqa múshe bolyp tabylmaıtyn memleketterden Qazaqstan aýmaǵyna ákelý men áketýge qorytyndy (ruqsat berý qujattaryn) alý úshin zańdy tulǵalar medısınalyq qyzmetter kórsetý salasyndaǵy memlekettik organnyń aýmaqtyq departamentterine egov.kz, elicense.kz «elektrondyq úkimettiń» veb-portaly arqyly adamnyń bıologııalyq materıaldarynyń, gemopoezdik diń jasýshalarynyń, súıek kemiginiń, donorlyq lımfosıtterdiń, jynystyq jasýshalar men embrıondardyń úlgilerin, ótinish pen memlekettik qyzmet standartynda kórsetilgen qujattar tizimin jiberedi.
Bul rette jynystyq jasýshalar men embrıondardy, gemopoezdik diń jasýshalaryn (súıek kemigin), donorlyq lımfosıtterdi ákelý jáne áketý qorytyndylary jeke tulǵalarǵa berilmeıdi.
Qujattardy qaraýdyń jáne ruqsat berý qujatyn berýdiń jalpy merzimi bir jumys kúnin quraıdy.
EAEO múshe bolyp tabylmaıtyn memleketterden Qazaqstan aýmaǵyna ákelýge jáne el aýmaǵynan osy memleketterge adamnyń bıologııalyq materıaldarynyń úlgilerin, gemopoezdik diń jasýshalaryn, súıek kemigin, donorlyq lımfosıtterdi, jynystyq jasýshalar men embrıondardy ákelýge ruqsat berý qujaty Respýblıka shekarasy arqyly bir ret aýystyrýǵa beriledi.
Shaǵymdy memlekettik qyzmetter kórsetý máseleleri boıynsha sotqa deıingi tártippen qaraýdy joǵary turǵan ákimshilik organ, memlekettik qyzmetter kórsetý sapasyn baǵalaý jáne baqylaý jónindegi ýákiletti organ ol tirkelgen kúnnen bastap 15 jumys kúni ishinde júrgizedi.
Qujattyń tolyq mátinimen myna silteme arqyly tanysýǵa bolady.
Buıryq 2021 jylǵy 24 jeltoqsannan bastap qoldanysqa engiziledi.
