Qazaqstan • 14 Jeltoqsan, 2021

Qazaqstan halqynyń ertegiler jınaǵy jaryq kórdi

1980 ret
kórsetildi
1 mın
oqý úshin

Aqparat jáne qoǵamdyq damý mınıstrliginiń bastamasymen balalarǵa arnalǵan «Qazaqstan halqynyń ertegileri» jınaǵy jaryq kórdi, dep habarlaıdy Egemen.kz AQDM baspasóz qyzmetine silteme jasap.

Qazaqstan halqynyń ertegiler jınaǵy jaryq kórdi
Elimizdiń túrli etnostarynyń ádebı murasy retinde «Qazaqstan halqy ertegileri» kitaby Qazaqstan halqy Assambleıasynyń etnomádenı birlestikteriniń ókilderimen birge alǵash ret qazaq tilinde shyǵaryldy.
 
Jınaqqa Qazaqstannyń káris, nemis, sheshen-ıngýsh, evreı, grek, mordva, lıtva, polıak jáne t.b. 25 iri etnostardyń 114 halyq ertegisi endi. Kitap eki tomnan turady (4-7 jáne 8-11 jastaǵy balalarǵa arnalǵan). Jalpy tırajy - 4 000 dana (ár bóligi 2 000 danadan).
 
Maqsatty aýdıtorııany jáne jınaq mazmunynyń sáıkestigin anyqtaý úshin Y. Altynsarın atyndaǵy Ulttyq bilim berý akademııasynda saraptama júrgizildi.
 
Kitaptar Bilim jáne ǵylym, Mádenıet jáne sport mınıstrlikterine mektepke deıingi jáne orta bilim berý mekemelerine, sondaı-aq elimizdiń kitaphanalaryna taratý úshin jiberiledi.