«Táýelsizdiktiń 30 jylynda munaı óndirý 3,5 esege, gaz óndirý 7 esege ulǵaıdy. Osy kezeńde 1,7 mlrd tonna munaı, 790 mlrd tekshe metr gaz óndirildi. Al, 1,4 mlrd tonna munaı eksporttaldy. 2020 jyldyń qorytyndysymen gaz óndirý kólemi 55,1 mlrd tekshe metrdi qurady. Elektr energetıkasy salasynda birqatar mańyzdy jobalar júzege asyryldy. Sonyń nátıjesinde elektr energııasyn óndirý 83 mılıardtan 108 mlrd kvt/saǵatqa deıin artty. Iаǵnı 30%-ǵa ulǵaıdy» deıdi Maǵzum Myrzaǵalıev.
Mınıstrdiń aıtýynsha, jańartylatyn energııa kózderin damytýda joǵary qarqyn bar. Qazir elimizde jańartylatyn energııa kózderiniń 126 obektisi jumys istep tur. Onyń jalpy qýaty 1975 MVT-ty quraıdy.
«Biz osy jetistiktermen toqtap qalmaýymyz qajet. Aldymyzda munaı-gaz, energetıka salasyn damytýdyń jańa belesteri tur. Osy jolda aıanbaı eńbek etip, táýelsizdiktiń jańa onjyldyǵynda elimizdi asqaqtata beremiz» dep málim etti Maǵzum Myrzaǵalıev.
